Fáðu tilboð í þitt verk

Pallasmíði.is

9 months ago

Við erum í pallasmíði og erum sérfræð­ingar í að gera garðinn flottan,“ segir Örn Bergmann, framkvæmdastjóri Pallasmidi.is.

Fyrirtækið var stofnað árið 2019. Fyrst var lögð áhersla á þakviðgerðir en núna er mest unnið í pallasmíði.

„Fólk er farið að leggja mikið upp úr vellíðan. Í Covid-faraldrinum braust út bylgja í því að gera heimilið og garðinn flottan. Það er ekkert notalegra en að fara í útisturtu eftir langan vinnudag og hvað þá ef fólk er með allan pakk- ann: Heitan og kaldan pott og gufubað svo eitthvað sé nefnt. Mín tilfinning er sú að fólk sé farið að leggja meira upp úr því að eiga flottan garð; kannski hefur það alltaf verið svona.“

Örn segir að þegar smíða á pall sé lykilatriði að undirstöðurnar séu góðar svo að pallurinn endist sem lengst í íslenska veðurfarinu. „Þetta er dýr framkvæmd. Timbur kostar. Það þarf að fara rétt að og leita til fagmanna.“

Örn segir að fyrsta skrefið sé einmitt að hafa samband við fagmann og leita ráða og láta síðan jafnvel landslagsarkitekt hanna pallinn ef þess þarf. Síðan að hafa samband við Pallasmidi.is og fá starfsmenn á staðinn sem skoða og gera tilboð í verkið.

Tískan
Örn segir margt vera í boði þegar kemur að viðarvali í smíðina. Hann nefnir fyrst gagnvarða furu sem sé vinsælasta pallaefnið á Íslandi. „Svo er margt annað mjög fallegt í boði og má þar nefna Síberíulerki. Núna í sumar er fólk mikið
að velja harðvið eins og garapa, cumaru og bangkirai.“ Örn segir að talað sé um að harðviður sé endingarbetri heldur en Síberíulerkið.

Tíska fylgir pallasmíðinni og segir Örn að núna séu ósýnilegar skrúfur í pallinum mjög vinsælar. Þá er skrúfunum skáskotið í borðin. „Og að að sjálfsögðu er mikilvægt að vera með ryðfríar A4-skrúfur. Einnig er í tísku að klæða borðin lárétt báðum megin við og loka að ofan þannig að það sjáist engir straurar.“

Örn segir að margar fyrirspurnir berist til Pallasmidi.is vegna heitra eða kaldra garðskúra. „Þeir mega vera allt að 15 fermetrar að stærð án þess að sækja þurfi um byggingarleyfi.“ Örn segir að slíkir garðskúrar hafi einmitt orðið vinsælli eftir að reglugerðum var breytt á sínum tíma.

Smiðirnir hjá xn--pallasmi-i2a4a.is/ sjá einnig um jarðvegs- skipti, hellulagnir og hleðslu. Örn segir að í dag séu smiðir fyrirtækisins að mestu í pallasmíði en vinni enn við þakviðgerðir sem og sérsmíði og því sem við kemur faglegri þjónustu á viðhaldi húsa og lóða.

„Yfir vetrartímann þegar minna er um pallasmíði þá erum við til dæmis í minni þakviðgerðum svo sem vegna þakleka. Bróðir minn er eigandi thakvinna.is og þar af leiðandi fæ ég líka verkefni í gegnum hann hvað það varðar. Fyrirtæki hans er eitt það stærsta í þakskiptum.“

Heimild frá: Hús Og Híbýli ... See MoreSee Less

Message Page